Grad dann, wann’s moi wieda b’sonders pressiert, wenn alle moanan, dass ned schnei gnua geh kon, dann und grad dann huift am besten a ruhigs Eckerl, wo ma sei ruah hod und in aller Ruah moi üba ois nachdenga kon. Wenn’s na ringsrum um den Plotz a no sche ausschaut, na gibt’s fast nix, was no bessa sei kannt.

So a Eckerl, des is schlicht “unbezahlbar”, ma kon sich d’ Landschaft oschaun (des Bankerl steht am Antholzer See in Südtirol in de Dolomiten(, auf dem Bankerl sitzn und die Berg und da See hoin de wieda zruck und zoagn da, wia kloa der Schmarrn wirkli is, der di da grad druckt. Oans werd schnei deitli: dei Problem is scho lang weg und da Berg und da See san no ganz lang do.

Wenn man dann no a bisserl am See entlang spaziert, na gehts am End auf jeden foi scho hui, vui bessa!.

Wer’s no ned glaubt oder oafach no a paar Buidl vom Antholzer See segn mechad, der find weiche in >>>diesem Album.