Wann i nimma meng dad – ja, was war denn nachad? Mit dem Schmarrn plagt si doch a jeda und a jede amoi rum. A ganz Bsonderer, a Bayer, Grantlar, Philosoph und Querschädl, der Polt Gerhard, Hot sogar scho moi (lang is her) a Laidl drüber gschriem: https://www.youtube.com/watch?v=q_XLdE_PZGU

Wann i nimma meng dad – na war’s hoid scho a guad wenn ma wüsst, warum i eigentli nimma mog. Was schlagt ma auf’n Mogn, was geht ma auf’n Senkel und was regt mi grad so auf?

Wann i nimma meng dad – wos genau mog i na eigentli nimma? Hob i des bisher überhaupt scho meng? Wos is jetzad andas und warum? Konn i oder sonstwer da was macha oder is hold einfach so?

Wann i nimma meng dad – wos dann? Wos bassiert, wenn mir klar werd, das i nimma mag? Was mach i denn nachad in dem Fall? Wos dad i dann?

Wann i nimma meng dad – was wui i denn dann?

Da drüba geht’s auf dera Seitn, da drüba schreib i manchmoi was und mi Dadas gfrein, wann der oane oder andere was find, wo nahm genau so gehd oder mir schreibt, was nahm so druckt und wia er damit umgeht.

Wann i nimma meng dad – irgendwo hifahrn vielleicht. Aber, da Polt Gerhard hod da scho den Spruch ghabt:: “Die Anni hat gsagt: letztes Jahr ham wir eine Weltreise gmacht, aber da fahrn mir nicht mehr hin”. Und jetzt bist Du dro!